მას ”მოდური ილუსტრაციების ოსტატს” ეძახიან და მისი ნამუშევრები საოცარი ვიზუალური ქრონიკებია მსოფლიოს მოდის ინდუსტრიაში...ვსაუბრობთ მსოფლიოში ყველაზე ცნობილ მოდურ ილუსტრატორზე,დევიდ დაუნტონზე.დევიდის საერთაშორისო კარიერა 1996 წელს დაიწყო,როცა დავალება ცნობილი გაზეთისგან Financial Times-ისგან მიიღო.დავალების მიხედვით მას უნდა დაეხატა პარიზის მოდის კვირეული,და ამის შემდეგ იგი მუშობდა ისეთ დიდ სახელებთან,როგორებიცაა Tiffany’s New York, SAKS 5th avenue, Chanel, Dior, Burberry და British Fashion Council.
მისი შემოქმედებით შეიმკო მსოფლიოში ყველაზე პრესტიჟული მოდური ჟურნალების ფურცლები.მისი ილუსტრაციები წარმოადგენს მაღალი მოდის პორტრეტებს,ოსტატურად დაჭერილი ბექსთეიჯის მომენტები და პოდიუმზე გამოსული მოდელების მორთულობების ასახვა ფურცელზე,რომლებსაც მოგვიანებით ასრულებს თავის სახელოსნოში შავი მელნის,გუაშებისა და აკრილის საღებავების დახმარებით.მისი კლასიკურად ელეგანტური,უნაკლო და თანამედროვე გამოსახულებები მომაჯადოებელ გრძნობებს აღვივებს,რაც მას თავის სფეროში დიდი ხელოვანების ღირსეულ მემკვიდრედ წარმოგვიდგენს,როგორიცაა Gruau, Eric და Antonio.