წესით, მშვენიერი პრინცით გატაცებას ხელი უნდა შეეშალა მუშაობაში, თუმცა, პირიქით გამოვიდა. მე შეყვარებული ვიყავი და მინდოდა მეთქვა ამის შესახებ. მალე ალბომი უნდა ჩამეწერა. ჰანა მონტანას პირველი ალბომი ჯგუფ CHeetah Cirls-ის ტურნეს შემდეგ გამოვიდა. მაშინვე დავიწყეთ მეორე ალბომის დაგაგივა. ის განსხვავებული უნდა ყოფილიყო. ეს აღარ იქნებოდა უბრალოდ სერიალის საუნდრეკი. ალბომში ორი დისკი შევიდოდა 1–ლი ჰანა მონტანას სიმღერები იქნებოდა, მე–2 Meet Miley Cyrus/გაიცანით მაილი საირუსი/ და მე როგორც სიმღერების ავტორსა და დამოუკიდებელ მომღერალს წარმომაჩენდა. ეს სრულიად ახალი რამ იყო. ვერ ვიხსენებ როდის გავაცნობიერე, რომ მუსიკა ჩემი მოწოდება იყო. ვიცი, რომ ყოველთვის მსიამოვნებდა მუსიკასთან შეხება. ზოგჯერ ეს სურვილი უფრო ძლიერდებოდა. მამა ამბობს, რომ მე ლაპარაკზე ადრე სიმღერა ვისწავლე. ოჯახში შუათანა ბავშვი ვარ. მყავს უფროსი და უმცროსი და–ძმები. უფროსები ძალიან სერიოზულები არიან,პატარები უსაყვარლესები. მე როგორც შუათანა, მუდმივად ვმღეროდი, ვცეკვავდი და შოუებს ვაწყობდი. ჩავიცვავდი კოვბოურ ჩექმებს, ბრეისონი რიბოკებს ჩაიცვავდა და ვიწყებდით ცეკვას. როგორც კი სტუმარი მოგვივიდოდა, მაშინვე ჩემს ოთახში მივათრევდი და ვიწყებდით რაღაც სცენების დადგმას და სიმღერას. ახლა ხვდებით, მე და მენდი რატომ გავაკეთეთ არხი You Tube-ზე? ჩვენ სიცილით ვცდილობდით ყურადღების მიპყრობას. მიუხედავად იმისა, რომ დღეს პოპულარული ვარ, გულში ყოველთვის შუათანა ბავშვად ვრჩები, რომელიც ყურადღების მოლოდინშია.
