ჩვენი ურთიერთობები არ იყო მთლად უღრუბლო. იყო ქარიშხლები, მაგრამ ეს ხომ ბუნებრივია. ჩვენ გადავწყვიტეთ, რომ პაუზა უნდა გაგვეკეთებინა. მეგონა, რომ განშორება დაგვეხმარებოდა. ძალიან ცუდად ვიყავი როცა დავწერე სიმღერა Girls Night Out. მინდოდა თავი მეიძულებინა რომ გამეღიმა, მალევე დავწერე Right Here, რომელშიც ვყვები როგორ ძლიერ მიყვარს იგი: რაც არ უნდა მოხდეს, შენთან ვიქნები. იმისდა მიუხედავად, სად ვიქნები. შემდეგ კიდევ რამდენიმე სიმღედა დავწერე განშორებასთან დაუავშირებით, მაგალითად Clear.
ზოგჯერ ვიღაცის დახმარება აუცილებელია, რომ სიმღერა ბოლომდე მიიყვანო. ერთადერთი ადამიანი, ვისაც შემიძლია ვენდო მუსიკაში, ეს არის ჩემი პროდიუსერი ანტონინა. ის ჩემი იდეალია, როცა მასთან მივდივარ, ვუყვები ისტორიას, ვასმენინებ სიმღერის ნაწილებს და ჩვენ ერთად ვაძლევთ მას დასრულებულ სახეს. ყოველთვის დარწმუნემული ვარ, რომ იგი არავის მოუყვება რით დავიწყეთ და რამდენი ვიწვალეთ. მას შემდეგ რაც სიმღერა დაიწერება, ჩემი პროდიუსერები ერთვებიან საქმეში. უმატებენ ხმოვან ეფექტებს და ინსტრუმენტებს. იქმნება რამოდენიმე ვერსია. მე რამდენჯერმე ვუსმენ და ისეთს ვიტოვებ, როგორიც წარმომედგინა.
სამი თუ ოთხი თვე სტუდიაში მუშაობის შემდეგ მივიღე ის, რაზეც ვოცნებობდი–ჩემი პირველი ალბომი. ჰანას გამო გაიყიდა ეს ორმაგი დისკი. მაგრამ , ჰანა მე შევქმენი. ასე რომ, ყველაფერი წესრიგში იყო.
