მოდური ილუსტრატორის კარიერა და შემოქმედება - Sabine Pieper
Sabine Pieper-ი მოდური ილუსტრატორია, რომელიც ცნობილი და საკმაოდ პოპულარულია უცხოეთში. მის მეორე პროფესიას ფოტოგრაფობა წარმოადგენს. ის 1980 წელს დაიბადა, მის კარიერასა და მოღვაწეობას კი ბერლინში აგრძელებს. მას ფართო ურთიერთობები აქვს ცნობილ, მოდურ წამყვან ჟურნალებთან. მისი ილუსტრაციები ხშირად ხდება სხვადასხვა წიგნების გაფორმების საშუალება, ასევე ხშირად ეწყობა მისი პერსონალური გამოფენები. ის უფრო პოპულარული ხდება.
Vlisco არის ცნობილი ბრენდი, რომელთანაც საბინს ხშირად აქვს ხოლმე ურთიერთობა, რაც მათ თანამშრომლობაში გამოიხატება. 2011 წელს ილუსტრატორმა სპეციალურად ბრენდისთვის რამდენიმე არაჩვეულებრივი ჩანახატი შექმნა. მისი სტილი განსხვავებულია. ადამიანის სახეს, ნაკვთებს და სხვადასხვა დეტალებს, მუქ ან შავ-თეთრ ტონალობებში წარმოგვიდგენს, ტანისამოსს კი მთლიანად უკეთებს აქცენტს და მკვეთრ ფერებს გვთავაზობს. ტექნიკა, რომელიც ამ ნახატებში მან წარმოგვიდგინა, მართლაც ელეგანტურისა და წარმოსახვითი სტილის არაჩვეულებრივ კომბინაციას ქმნის.
2011 წლის ამ ნახატებზე, რომელიც საკომუნიკაციო ბრენდისთვის შეიქმნა, გადაღებულია მოკლე ვიდეო-კლიპიც.
აღსანიშნავია, რომ სწორედ ამ ბრენდმა ილუსტრატორისგან საკმაოდ ვრცელი ინტერვიუ აიღო, სადაც საბინი საუბრობს მის კარიერაზე, პირველ ნაბიჯებზე, სიყვარულზე ხელოვნებისადმი და ფოტოგრაფიაზე.
მოგვიყევით უფრო მეტი თქვენი კარიერის შესახებ. როდის გადაწყვიტეთ პირველად ილუსტრატორობა ? ბავშვობიდანვე გატაცებული ვიყავი ხატვით და ყოველთვის რაღაცას ვხატავდი. მას შემდეგ რაც (1999 წელს) ბერლინში გადავედი საცხოვრებლად, დავინტერესდი ფოტოგრაფიით და რამდენიმე წელი ფოტოგრაფადაც ვმუშაობდი. ჩემი პროფესიის მიუხედავად იმ დროს მაინც ყველაზე მეტად ხელოვნება, ილუსტრაიცები მაინტერესებდა, განსაკუთრებით კი მოდური ილუსტრაციები მხიბლავდა. ბოლოს გადავწყვიტე მომეხდინა ფოკუსირება და ჩემი პროფესიონალური გამოცდილება სწორედ ამ მიმართულებას დავუკავშირე. დავიწყე ილუსტრაციების ხატვა. ვცდილობდი ორიგინალური ხედვა გამომეყენებინა და ინდივიდუალიზმი შემენარჩუნებინა. ვცდილობდი სხვანაირი ტექნიკისთვის მიმემართა და შედეგმაც არ დააყოვნა. 2010 წელს, სწორედ მაშინ როდესაც ქალიშვილი შემეძინა, მე უკვე ილუსტრატორის სახელით დავიმკვიდრე თავი და მუშაობაც დავიწყე. მარტივად, რომ ვთქვათ ჩემს ინტერესებს წარმოადგენს ჩემი ქალიშვილი, მოდა, ფოტოგრაფია, ხელოვნება და ილუსტრაცია.
როდის გადაწყვიტეთ Vlisco-სთან თანამშრომლობა ? Anneke Krull-მა, რომელიც სამხატვრო ხელმძღვანელი გახლავთ, შემომთავაზა რომ მემუშავა ამ ბრენდთან და კოლექციის, რომელშიც აღმოსავლური დეტალები იგრძნობოდა და თავიდანვე მხიბლავდა, ილუსტრაციები და ჩანახაზები შემექმნა. მე ერთი წუთითაც არ დავფიქრებულვარ, მაშინვე დავთანხმდი ეს ხომ ჩემი შანსი იყო! ეს იყო პირველი ცნობილი კამპანია, რომელთანაც მე ვიმუშავე. ეს ახალი გზა და შთაგონება იყო ჩემთვის. რაც შეეხება თავად ბრენდს, მე მათი ნაწარმით უბრალოდ აღფრთოვანებული ვარ.
რამ შთაგაგონათ, როდესაც ბრენდისთვის ქმნიდით ილუსტრაციებს ? ეს სხვა არაფერი ყოფილა, თავად ბრენდის კოლექცია იყო. იქ წარმოდგენილი მკვეთრი ფერები, აფრიკელი ქალები, კონტრასტები, კომბინაციები... ამ ყველაფერმა გამოიწვია ის შედეგი, რაც ნახატებში დაინახეთ.
რას ფიქრობთ ჩვენს თანამშრომლობაზე და ზოგადად ჩვენი კამპანიის მიზნებზე ? მე ვფიქრობ რომ მიზანს აუცილებლად მივაღწევთ და ნახატების მხრივ, აუცილებლად ყველაზე კარგად წარმოვადგენთ თავდაჯერებულ, დახვეწილ და ელეგანტურ ქალბატონს. მე არ შემიძლია ყოველთვის იმაზე ვიფიქრო, თუ რას იფიქრებს სხვა.. მე მხოლოდ შედეგზე ვფიქრობ. ყველაფრის იმედი მაქვს.
როგორც აღვნიშნეთ სხვადასხვა მოდურ წიგნებსა თუ ჟურნალებს ხშირად ამშვენებს მისი ილუსტრაციები. გავეცნოთ მათ ფოტოკრებულს.
