გთავაზობთ ქუჩა-ქუჩა ხეტიალს ესპანეთის უმშვენიერეს ქალაქ ბარსელონაში. გაეცნობით აქ არსებულ ღირშესანიშნაოებსა და ერთად მოვივლით სხვადასხვა ქუჩებს.
ესპანელები, როგორც მოგეხსენებათ საოცარი ტემპერამენტიანები არიან, ქვეყანაც ჯიუტად მისდევს კულტურულ ცხოვრებას და სისხლში აქვთ გამჯდარი საკუთარი ერის მახასიათებლები. ბარსელონაში ტურისტების ხშირი ვიზიტის მიზეზი მათი ფეხბურთით გატაცებაა. ქალაქი მადრიდიდან 4 საათის სავალ მანძილზე მდებარეობს.
ყველაფერი აეროპორტით იწყება.
▼ პირველად, ესპანეთის მოედანს მივადექით. ეს მოედანი მეორეა სიდიდით ესპანეთში, ყველაზე დიდი მადრიდში მდებარეობს. მოედანზე ძალიან საინტერესოა ვენეციური კოშკები და ორიგინალური ფანტანი.
▼ ეს კი კატალონიის ხელოვნების ნაციონალური მუზეუმია. თუმცა მოპირდაპირე მხარეს რაღაც ნაგებობის მშენებლობა მიმდინარეობს და ხედიც ცოტათი შელახულია.
▼ შემდეგი ღირშესანიშნაობა ბაზილიკაა საგრადა ფამილია. ანტონიო გაუდიმ 40 წელი მოანდომა მის მშენებლობას.
▼ მისი ერთ-ერთი ფასადი "ქრისტეს ვნებანი".
▼ ცენტრალური კოშკის მშენებლობის დასრულებას 2026 წელს გვპირდებიან და დასრულების შემდეგ ის უნდა იყოს ყველაზე მაღალი შენობა მსოფლიოში.
▼ ბაღში დასვენებისას, თუ ასეთ ნიშანს წააწყდით და თან ძაღლი გყავთ, მაშინ მობილიზებული უნდა იყოთ, ბარსელონაში საკუთარი ძაღლების ფიზიკურ მოთხოვნილებების დაკმაყოფილების შემთხვევაში თავადვე ასუფთავებენ შინაური ცხოველის ნამოქმედარს.
▼ თქვენ ასევე ორიგინალურ ხეივნებს წააწყდებით, ბევრია პალმებიც.
▼ ბარსელონის მთავარი მოედანი, ბარსელონის შუაგულშია მოთავსებული. აქედან საოცარი ხედები იშლება. აქ ყოველთვის თავს იყრიან ბავშვები, მოზარდები, მუსიკალური ბენდები თუ უბრალო მაცხოვრებლები.
▼ შესაძლებელია, სანაპიროზე ჩასეირნება და პატარ-პატარა გემებით ღირშესანიშნაობების მონახულება, თუმცა უბრალოდ აქ სეირნობაც სიამოვნებაა.
▼ ალბათ ბევრი ადამიანის ოცნებაა მოინახულოს მსოფლიოს ერთ-ერთი გავლენიანი სტადიონი კამპ-ნოუ. ის ევროპის ყველაზე დიდი სტადიონია.
▼ კასა მილას ქანდაკებასაც მივადექით, რომელიც საკმაოდ მაღალი დიდრონი და ქვაში ნაკვეთია.
▼ და აი ბარსელონის თვალწარმტაცი სანაპირო ზოლიც. აქ თამამად შეგიძლიათ ცურვასა და გარუჯვას მიჰყოთ ხელი.
▼ დღის ბოლოს კი შეგიძლიათ "ეშმაკის ბორბლიდან" გადმოხედოთ ქალაქს.